Бейонсе хэрэгт оров
2020-01-24 11:18

Америкийн нэрт дуучин бүсгүй Бейонсе тарган хүмүүсийг ялгаварлан гадуурхсан хэрэгт оржээ. Түүний загварыг нь зохион бүтээсэн хувцаснуудад XL-ээс том хэмжээ байхгүй байгаад марайлаг фэнүүд нь дургүйлхсэн байна.

Хатагтай Бейонсегийн Ivy Park брэнд алдарт Adidas-тай хамтран бүтээсэн шинэ загварууд нэгдүгээр сарын 18-наас худалдаанд гарсан юм. Өөрт нь таарах размерын хувцас байхгүй байсанд гоморхсон тарган шүтэн бишрэгчид нь уур бухимдлаа твиттер, фэйсбүүк болон инстаграм хуудсуудаар дамжуулан илэрхийлсэн байна.

“Би Adidas болон Beyonce-гийн хамтран бүтээсэн хувцаснаас авахыг хүссэн ч харамсалтай нь том хэмжээтэй загвар алга байлаа”, “Adidas плюс-сайз хэмжээтэй хүмүүст зориулсан хувцас үйлдвэрлэн гаргаж байгаа ч Бейонсетэй хамтарсан цуглуулгад нь байхгүй байгаа нь дургүй хүргэлээ” гэх зэргээр олон хүмүүс бичжээ.

Гэхдээ 38 настай дуучин бүсгүйг дэмжсэн постууд ч зөндөө л байх аж.

“Тэр хүн бүрийн санаанд тааруулж чадахгүй л дээ, гэхдээ дараагийн удаад энэ алдаагаа бодолцох байх аа”, “Том размер байхгүй байсны төлөө түүнийг битгий шүүмжил. Зах зээлээ судлах, хүмүүсийн хүсэл эрмэлзлийг тооцох боломж олгох хэрэгтэй. Тэр ямар чиглэлд бизнесээ өргөжүүлэхээ өөрөө л шийдэх эрхтэй ш дээ” гэж уужим сэтгэлтэй, ухаалаг зарим нэгэн хүмүүс Бейонсег өмөөрчээ.

 

Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
АНХААРУУЛГА: Та сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээ зөрчсөн сэтгэгдэлийг админ устгах эрхтэй.

Сэтгэгдэл байхгүй байна

  • Их уншсан
  • Их сэтгэгдэлтэй