Гудамжнаас их хэмжээний мөнгө олоод банкинд тушаажээ
2020-01-25 10:07

Нэгэн шударга иргэн гудамжнаас 27 мянган ам.доллартай (74 сая 223 мянган төгрөг) хайрцаг олоод банкинд өгсөн тохиолдол саяхан гарсан байна.

Нэгдүгээр сарын 21-нд Жорж Кондэш (George Condash) гудамжны АТМ-ы хажууд “40 мянган доллар” гэсэн бичээс бүхий хайрцаг хэвтэж байхыг анзаарчээ. Эхлээд зүгээр л хог гэж бодсон ч хэн нэгэн аваад явахаас урьтан авахаар шийдсэн байна. Сайхь эр хайрцгийг автомашиндаа хийн шууд банк руу очжээ.

Оронгуутаа хайрцагтай мөнгийг ширээн дээр тавиад “40 мянган доллар олсон хүнд мөнгөн урамшуулал олгодог уу?” гэж асуун банкны ажилтнуудыг ангайлгасан байна.

Хэрэг явдлын учиг ч удалгүй тайлагдсан гэнэ. Банкинд бэлэн мөнгө хүргэсэн инкассаторууд хайрцагтай мөнгийг гудамжинд мартсан байжээ. Кондэшийг автал  хорь гаруй минут хайрцагт хэн ч хүрээгүй болох нь хяналтын камерын бичлэгээс харагдах аж.

Хайрцган дээр 40 мянга гэж бичсэн ч үнэн хэрэгтээ 27 мянган ам.доллар л байжээ. Шударга үйл хийсэн Жоржийг банкны удирдлагууд багагүй хэмжээний мөнгөөр урамшуулсан гэнэ.

Хэн нэгэн мөнгийг авч явсан ч гэсэн хяналтын камерын бичлэгээр урт гартныг илрүүлэх байсан гэж цагдаагийн ажилтнууд мэдэгдсэн байна.

 

Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
АНХААРУУЛГА: Та сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээ зөрчсөн сэтгэгдэлийг админ устгах эрхтэй.

Сэтгэгдэл байхгүй байна

  • Их уншсан
  • Их сэтгэгдэлтэй