“Реал”-ын довтлогчдын бараан цуврал үргэлжилсээр л...
2020-01-27 10:17

“Эзэн хаан баг” Испанийн Ла лигийн 21-р тойрогт “Вальядолид”-ыг 1:0 буулган авчээ.

Тоглолтын цорын ганц гоолыг хамгаалагч Начо оруулсан байна. Ингэснээр Мадридын багийн төлөө оруулсан сүүлийн зургаан гоолыг довтлогчдоос бусад байрлалын тоглогчид оруулжээ. Хагас хамгаалагч Каземиро хоёр, хамгаалагч Рафаэль Варан хоёр, хагас хамгаалагч Лука Модрич нэг бөмбөгөөр өрсөлдөгчдийнхөө хаалгыг мялаасан аж.

“Барселона”, “Атлетик” хоёртой хуурай тэнцсэнийг оролцуулаад “Реал”-ын довтлогчид Ла лигийн таван тоглолт дараалан гоол оруулж чадаагүй байгаа юм.

Мөн “Вальядолид”-ыг хожсоны ачаар “Реал” Испанийн аварга шалгаруулах тэмцээний хүснэгтийг ганцаараа манлайлж эхэллээ. “Эзэн хааны баг” сүүлийн 100 өдөрт анх удаагаа хүснэгтийг тэргүүлж байгаа юм. 

21 тойргийн дараах байдлаар “Реал” 46 оноотойгоор Ла лигийг тэргүүлж байгаа бол “Барселона” 43 оноотойгоор араас нь элдэж байна.

Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
АНХААРУУЛГА: Та сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээ зөрчсөн сэтгэгдэлийг админ устгах эрхтэй.

Сэтгэгдэл байхгүй байна

  • Их уншсан
  • Их сэтгэгдэлтэй