7 давхраас унаад амьд үлджээ
2020-01-28 07:23

Америк эмгэн долоон давхраас унаад амьд үлдсэн гайхамшигтай тохиолдол нэгдүгээр сарын 24-нд Нью-Йорк хотноо гарчээ.

Нуруундаа хагалгаа хийлгээд удаагүй байсан 76 настай Барбара Хеллер гэртээ найз бүсгүй Келлигийн хамт байсан гэнэ. Өдөр дундын үед цэвэр агаар амьсгалах гэж онгорхой цонх руу хэт ойртсоны улмаас доош унасан гэнэ. Азаар тус байрны хүнсний дэлгүүрт буулгаж байсан хайрцагтай хүнсний ногоо, жимсэн дээр газардаж амьд үлдсэн байна.

Хатагтайг тэр дор нь эмнэлэгт хүргэсэн бөгөөд аарцаг, гуяны яс нь хугарч, уушиг нь бага зэрэг гэмтсэн гэнэ. 

Барбара уушигны ужиг өвчтэй аж. “Бүгжимдээд түүнд амьсгалахад хүндрэлтэй байсан учраас би цонхыг нь онгойлгож өгсөн юм. Барбара цонхыг улам дэлгэж гадагшаа өнгийж харах гэж байгаад л уначихсан” гэж найз Келли нь өгүүлэв.

Сандарсан найз нь доош яаралтай буун түргэн тусламж дуудсан байна.

Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
АНХААРУУЛГА: Та сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээ зөрчсөн сэтгэгдэлийг админ устгах эрхтэй.
  • Их уншсан
  • Их сэтгэгдэлтэй