Англи хэл мэддэггүйгээс болж олон сая доллараа алджээ
2020-01-29 09:43

АНУ-ын Массачусетс мужийн Нью-Бедфорд хотын оршин суугч нэгэн эрхэм англи хэлний мэдлэггүйгээсээ болж олон сая доллараа хүнд залилуулсан байна.

Жоао Луис Да Понте (Joao Luis Da Ponte) өөрийнх нь сугалаагаар хожсон мөнгийг луйвардан хувьдаа завшсан хэмээн Мария Оливейра (Maria Oliveira) болон Сюзана Гаспар (Susana Gaspar) нарын танилуудаа шүүхэд өгчээ.

Хохирогч өөрийгөө дөрвөн сая ам.доллар (11 тэрбум төгрөг)-ыг хонжворт сугалаа тоглон хожсон гэж баталж байгаа юм. Түүний төрөлх португал хэлэнд mil нь мянга гэсэн үг аж. Сугалаагаа хусч арилгаад 4mil гэсэн үгсийг хараад сайхь эр өөрийгөө 4 мянган ам.доллар л хожсон гэж бодож.

Хонжворын мөнгөө авч өгөхийг хүсэн сугалааны тасалбараа Оливейрад өгөхдөө шагналд нь 200 доллар амалсан гэнэ.

“Хохирогч” эр, түүний танил бүсгүйчүүд хонжворт сугалаа эрхлэн гаргагч компанид хандан хонжворын мөнгийг олон жил цувуулан авахаас татгалзан бүх татварыг нь суутгуулан 2,6 сая ам.доллар (7 тэрбум 150 сая төгрөг)-ыг шууд гар дээрээ авцгаасан гэж хардаж байгаа аж. Түүнд 3800 долларыг нь л өгсөн гэнэ.

Гурвууланг нь таньдаг нэг найзаасаа хонжворын жинхэнэ мөнгөн дүн, хоёр бүсгүйн луйврыг Да Понте олж мэдсэн байна. Харин хатагтай Оливейра бүхнийг үгүйсгэн, гүрийж “гүлдийж” байгаа гэнэ.


 

Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
АНХААРУУЛГА: Та сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээ зөрчсөн сэтгэгдэлийг админ устгах эрхтэй.

Сэтгэгдэл байхгүй байна

  • Их уншсан
  • Их сэтгэгдэлтэй