Крантнаас нь архи асгарах болсноор ажилдаа явахаа больжээ
2020-02-07 09:19

Энэтхэгийн Керала мужийн нэгэн орон сууцны айлуудын цэвэр усны цоргоноос нь согтууруулах ундаа ундрах болсон тухай BBC мэдээлжээ.

Хоёрдугаар сарын 3-ны даваа гарагаас эхлэн ийм асуудал гарах болсон байна. Оршин суугчид цэвэр усгүйн улмаас гар нүүрээ угааж, усанд орж, цай ундаа бэлтгэж чадахгүй байгаа тухай гомдлоо хотын захиргаанд гаргажээ.

Цэвэр усных нь цоргоноос шар айраг, брэнд, ром дарсны “коктейль” гарах болсны учир хүүхдүүд хичээл сургуульдаа, томчууд нь ажилдаа явж чадаагүй гэнэ.

Тус байрнаас холгүйхэн газарт хурааж авсан хууль бус зургаан тонн гаруй  сргтууруулах ундааг асгаж устгах ажиллагаа явуулсны улмаас хөрсөнд шингэсэн “найрка” нь цэвэр усны шугамын гэмтэлтэй, цоорхой хэсгээр нэвчиж ийм асуудал үүссэнийг олж тогтоосон байна.

Хотын захиргаа гэмтлийг засварлахын зэрэгцээ тус хотхоны оршин суугчдыг зөөврийн цэвэр усаар хангах ажлыг шуурхай зохион байгуулж байгаа гэнэ.

Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
АНХААРУУЛГА: Та сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээ зөрчсөн сэтгэгдэлийг админ устгах эрхтэй.

Сэтгэгдэл байхгүй байна

  • Их уншсан
  • Их сэтгэгдэлтэй