Бэйл ээлжит удаагаа “новшров”
2020-02-07 10:12

Эзэн хааны багийн жигүүрийн хагас хамгаалагч Гарет Бэйл ээлжит удаагаа багийнхаа тоглолтыг дуусгалгүй цэнгэлдэхийг орхин явсан байна.

Урд шөнө  Мадрид хотын баг Испанийн цомын шөвгийн тоглолтод “Реал Сосьедад”-д (3:4) хожигдсон.

Талбайд гарах тоглогчдод нэр нь байгаагүй 30 настай уэльс залуу тоглолтын 82 дахь минутад цэнгэлдэхээс гарч явжээ. Тэрбээр өмнө нь багийнхаа тоглолтыг дуусахыг хүлээлгүй гурван ч удаа цэнгэлдэхийг орхиж байсан юм. Өнгөрөгч оны аравдугаар сарын 31, арванхоёрдугаар сарын 7 болон энэ оны нэгдүгээр сарын 18-нд Гарет ийм үйлдэл хийн багаа үл тоож “хөгийн зан” гаргасан билээ.

“Реал”-ын дотоод журмаар тоглогчид тоглолтын 80 дахь минутаас өмнө цэнгэлдэхээс гарч явах хориотой гэнэ.
 

Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
АНХААРУУЛГА: Та сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээ зөрчсөн сэтгэгдэлийг админ устгах эрхтэй.

Сэтгэгдэл байхгүй байна

  • Их уншсан
  • Их сэтгэгдэлтэй