Киану Ривзийн шинэ дурлалын нууц
2020-02-07 11:48

Өнгөрсөн оны арваннэгдүгээр сард Холливүүдийн од, жүжигчин, эгэл даруухан Киану Ривз болон 46 настай зураач бүсгүй Александра Грант нар дурлалт хосын журмаар нэгэн арга хэмжээнд ирж олныг алмайруулсан билээ. Үүний дараахан тэднийг сүй тавьсан гэсэн мэдээ барууны хэвлэлүүдээр цацагдах болсон. Үйл явдал ийм хурдан өрнөх болсон нь 55 настай жүжигчин эрийн шүтэн бишрэгчдийг ихэд гайхшруулсан гэхэд болно.

Гэхдээ Киану болон Александра нарын найзууд нь үүнд нэг их цочирдоогүй гэнэ. Учир нь тэднийг олон жилийн турш үерхсэн гэдгийг андууд нь мэддэг байжээ.

“Тэд удаан хугацааны туршид хамт байгаа шүү дээ. Хэдэн жилийн өмнө л Александра надад “Киану Ривз миний найз залуу” гэж хэлж байсан. Тэр Кианутай хамт олон арга хэмжээнд очиж байсан шүү дээ. Харин саяхнаас л тэднийг үерхэж байгааг мэдчихээд л хүмүүс шуугиад эхэлсэн дэг...” хэмээн Грантын найз бүсгүй сэтгүүлчдэд ярьсан байна.

“Түүний хамгийн сүүлд гаргасан үзэсгэлэн дээр Киану ирчихсэн бусдын анхаарлыг таталгүй даруухан үзэж сонирхож байсан шүү. Тэр хоёр жинхэнэ төгс хос. Тэд хүмүүсийн нүдэн дээр янз бүр болж, Холливүүд маягын дурлалыг харуулахыг эрмэлздэггүй юм” гэж нэмж хэлсэн байна.

Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
АНХААРУУЛГА: Та сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээ зөрчсөн сэтгэгдэлийг админ устгах эрхтэй.

Сэтгэгдэл байхгүй байна

  • Их уншсан
  • Их сэтгэгдэлтэй