“Найзууд” нэг ангит киногоор эргэн уулзана
2020-02-08 11:08

“Найзууд” олон ангит киноны үргэлжлэлийг хийнэ гэсэн цуу яриа гараад хэдэн сарын нүүр үзэж байна.

Аль арваннэгдүгээр сард л The Hollywood Reporter мэдээллийн сайт зургаан найз (Женнифер Энистон, Кортни Кокс, Лиза Кудроу, Дэвид Швиммер, Мэтт Леблан болон Мэттью Перри) кино бүтээгч Дэвид Крейн болон Марта Кауффман нарын хамт тусгай нэг анги кино бүтээх талаар HBO Max кино компанитай хэлэлцээр хийж байгаа гэсэн мэдээллийг цацсан билээ.

Үүний дараахан Эллен Дедеженересийн шоунд оролцох үеэрээ Жен нэг “аятайхан” төсөл дээр ажиллаж байгаа тухайгаа ам алдсан удаатай.

Мөн нийгмийн сүлжээнд бараг байдаггүй байсан найзууд бүгд сүүлийн үед инстаграмд цахим хуудастай болцгоосон. Хамгийн сүүлд л гэхэд, уржигдархан л Мэттью Перри инстаграмд аккаунтаа нээсний хэдхэн цагийн дараа л хоёр сая гаруй дагагчтай болжээ.

Харин дээр өгүүлсэн The Hollywood Reporter-д гарсан мэдээлэл үнэн гэдэг нь батлагдсан үйл явдал саяхан боллоо. 

Нэр хүндтэй Deadline сайтад нэгэн эх сурвалж, найзууд HBO Max-тай нэг цагийн кино хийхээр ярьж байгаа бөгөөд хүн тус бүр 3-4 сая ам.долларыг авахаар болж байгаа гэсэн мэдээллийг өгсөн байна. 

 

Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
АНХААРУУЛГА: Та сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээ зөрчсөн сэтгэгдэлийг админ устгах эрхтэй.

Сэтгэгдэл байхгүй байна

  • Их уншсан
  • Их сэтгэгдэлтэй