Жастин Бибер найзуудаа уурлуулав
2020-02-11 11:37

25 настай канад дуучин залуу Жастин Бибер (Justin Bieber) гаднах төрхөө өөрчилж, сахал ургуулах болжээ.

Тэрбээр ер нь төрх байдлаа өөрчилж, үс толгойгоороо тоглох дуртай нэгэн. Үсний өнгөө хичнээн ч удаа өөрчилж, хэдэн ч шивээс хийлгэснийг та ч бүү хэл Балхаа ч таашгүй гэж...

Саяхнаас сахал тавих болсон түүнийг фэнүүд нь шүүмжлэн уруул дээрх “үс”-нээсээ ангижрахыг шаардсан хөдөлгөөн маягийн зүйл цахим сүлжээнд өрнөх болжээ.

Гэвч дуучин залуу зөрүүдэлж байгаа бөгөөд түүний энэхүү сөөвгөр хэдэн сахал нь зөвхөн шүтэн бишрэгчдэд нь ч бус найз нөхөд болон эхнэр Хэйлид нь хүртэл огтоос таалагдахгүй байгаа гэнэ.

“Олон жилийн турш тэр царайлаг, сайн хөвгүүн байсан болохоор одоо өөрийг нь хүмүүс үзэн ядаж эхлэхээр түүнд хөгжилтэй байгаа юм. Өөрт нь ч сахал огт таалагдахгүй байгаа ч түүнийг хүмүүс шүүмжлэх тусам зөрүүдлэхийг хүсч байгаад л хамаг учир оршиж байна. Эхнэрийгээ, анд нөхдөө, ер нь хүн бүрийг уурлуулах нь түүнд хөгжилтэй санагдаад байгаа бололтой” хэмээн нэрээ нууцлахыг хүссэн нэгэн найз нь сэтгүүлчдэд ярьсан байна.

Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
АНХААРУУЛГА: Та сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээ зөрчсөн сэтгэгдэлийг админ устгах эрхтэй.

Сэтгэгдэл байхгүй байна

  • Их уншсан
  • Их сэтгэгдэлтэй