Нохойн хоолоор сар хоолложээ
2020-02-12 09:32

Гэрийн тэжээвэр амьтдын хоол тэжээл үйлдвэрлэгч АНУ-ын Техас мужийн “Muenster Milling“ компанийн ерөнхий захирал Митч Фелдерхофф өөрсдийнхөө үйлдвэрлэдэг нохойн хоол нь ямар ч сөрөг нөлөөгүй, аюулгүйг батлахаар нэгэн туршилтыг өөр дээрээ хийжээ.

Сайн эр сарын турш нохойн хоолноос өөр юу ч идээгүй байна. Туршилт тийм ч амархан байгаагүй нь тодорхой, ялангуяа эхний долоо хоног Митчийн хувьд тун чиг хүнд өнгөрсөн гэнэ. Дасаагүй зүйлсээ идэх хүндрэлтэй байсан учраас хааяа мацаг барих тохиолдол гарч байжээ. Харин гуравдахь долоо хоногоос бие организм нь ч, сэтгэл санааны хувьд ч дасч эхэлсэн тул элдэв хүндрэлтэй зүйлс учрахаа больсон байна. Ганц л том асуудал байсан нь “хүн” шиг хоолны үнэр, амтыг маш ихээр санасан гэнэ.

Тийм ч учраас туршилт дуусангуут Митч таваг дүүрэн гахайн махтай начосыг татсан махтай халапеньогоор “даруулсан” аж. Тэрбээр өөрийнхөө компанийн үйлдвэрлэдэг амьтдын хоол тэжээлийг аюулгүй, “чанартай” гэдгийг баталж чадсандаа сэтгэл хангалуун байгаа гэнэ шүү. Харин найзууд нь түүнийг удахгүй үс, ноосондоо баригдана гэж цаашлуулж байгаа ч илүүдэл жингээ бага ч гэсэн хаяж чадсанд нь баяр хүргэсэн байна.

Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
АНХААРУУЛГА: Та сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээ зөрчсөн сэтгэгдэлийг админ устгах эрхтэй.

Сэтгэгдэл байхгүй байна

  • Их уншсан
  • Их сэтгэгдэлтэй