Селена Гомес гоо сайхны бизнест хөл тавина
2020-02-12 11:34

Холливүүдийн од, 27 настай дуучин, жүжигчин Селена Гомес гоо сайхны бизнест хөл тавьсан бусад дуучид, жүжигчдээс хоцрохыг хүсээгүй тул косметикийн Rare Beauty брэндийг үүсгэн байгуулж байгаа гэнэ.

Шүтэн бишрэгчид түүний брэндийн бүтээгдэхүүнийг худалдан авах хугацаа ойртож байгаа бололтой. Учир нь Селена сүүлийн үед шинэ, шинэ дүр төрхтэй өөрөг зурагнуудаа цахим хуудсандаа оруулан фэнүүдээ “өдөж” байгаа юм.

Өнөөдөр л гэхэд буржгар үстэй селфигээ инстаграмдаа оруулахдаа Rare Beauty брэндийхээ нэрийг “таг”-ласан байна.

Мөн дөрвөн жил хүлээлгэсэн шинэ цомгоо дуучин бүсгүй саяхан гаргасан билээ. Цомгийн нэр Rare... Энэ нэр ямар нэг юм танд бодогдуулж байна уу?

Тодруулахад, өнгөрсөн зун АНУ-ын Барааны тэмдэг, патентын газарт дуучин бүсгүй Selena Gomez барааны тэмдгээ бүртгүүлсний дараа Селенаг гоо сайхны бизнест хөл тавих гэж байгаа тухай цуу яриа гарах болсон билээ.

Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
АНХААРУУЛГА: Та сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээ зөрчсөн сэтгэгдэлийг админ устгах эрхтэй.

Сэтгэгдэл байхгүй байна

  • Их уншсан
  • Их сэтгэгдэлтэй