41 хоног тасралтгүй унтжээ
2020-02-13 09:47

Нэгэн австрали залуу нэн ховор тохиолддог мэдрэлийн эмгэгийн улмаас урт удаан хугацааны туршид гиперсомнийн байдалд ордог буюу олон хоног унтаа байдалд ордог гэнэ.

21 настай Харри Данн (Harry Dunn) Клейне - Левины хам шинж буюу нойрсож буй гүнжийн синдром өвчтэй аж. Ийм эмгэгтэй хүмүүс хэд хоногоос хэдэн сарын турш унтдаг байна. Клейне - Левины хам шинж ихэвчлэн өсвөр насны хүүхдүүдэд тохиолддог ч бага насны болон насанд хүрэгчид ч энэхүү эмгэгт нэрвэгдэх тохиолдол бас гардаг гэнэ.

Данн энэхүү эмгэгийн улмаас 16, 17 насны төрсөн өдөр, Зул сарын баяр болон сонирхдог спортын төрлүүдийнхээ уралдаан тэмцээний олон шувтаргын тоглолтыг үзэж чадалгүй өнгөрөөж байсан аж.

Тэрбээр нэг удаа бүр 41 хоногийг унтаж өнгөрүүлж байжээ. Эмгэг нь “идэвхжсэн” үед тэр яг л зомби шиг болж, зарим нэгэн үйлдэл, хөдөлгөөнийг хийдэг гэнэ. Жишээлбэл, хоол идэх, угаалга үйлдэх зэрэг үйлдлийг заримдаа хийдэг ч ямар нэгэн сэтгэл хөөрөлгүй, яг л зомби, робот шиг л байдаг гэнэ. Хамгийн гол нь хэд хоногийн дараа сэрчихээд энэ тухайгаа огт санадаггүй аж.

Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
АНХААРУУЛГА: Та сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээ зөрчсөн сэтгэгдэлийг админ устгах эрхтэй.

Сэтгэгдэл байхгүй байна

  • Их уншсан
  • Их сэтгэгдэлтэй