Гал түймрийн улмаас гэр бүлийн 3 хүн амиа алджээ
2020-02-13 11:21

Сүхбаатар аймгийн Эрдэнэцагаан сумын Алтан-Овоо багийн Хишиг хорооллын задгайд иргэн Э-ийн гэр шатаж байна гэсэн дуудлагыг хоёрдугаар сарын 13-ны шөнийн 01:15 цагт хүлээн авсан байна.

Уг гал түймэрт 33 настай эрэгтэй Э, эмэгтэй Б, 14 настай Х нар өртөж амь насаа алдсан харамсалтай хэрэг гарчээ.  Иргэн Э нь гал гарах үед хүү 12 настай Б, охин 3 настай Б нарыг гэрийн тооноор гаргасан аж. Охин Б-ийн зүүн гарын сарвууны арын хэсэг 1-р зэргийн түлэгдэлттэй байна.

Дуудлагын дагуу тус аймгийн Онцгой байдлын газрын Эрдэнэцагаан суман дахь Гал түймэр унтраах, аврах 47 дугаар ангийн алба хаагчид 01:18 цагт очиж, 12 минут ажиллан галыг унтраан, сумын Цагдаагийн тасагт шилжүүлэн өгчээ.

Эх сурвалж: ОБЕГ

Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
  • Их уншсан
  • Их сэтгэгдэлтэй