Их мөнгө хожсоноо эхнэрээсээ нуужээ
2020-02-14 10:08

Их Британийн Эссекс гүнлэгийн Челмсфорд хотын оршин суугч эр хонжворт сугалаагаар их хэмжээний мөнгө хожоод эхнэртээ хэлэлгүй хэд хоног нуусан байна.

49 настай Тим Карсон (Tim Carson) Mega Raffle draw хонжворт сугалааг тоглож азаа үзээд 250 мянган фунт стерлинг (894 сая төгрөг) хожжээ. Азтай эр эхнэртээ сюрприз болгож амралтын өдөр хэлэхээр шийдсэн байна. Амаа хамхих амаргүй байсан тул тэрбээр хоёр хоног Харли (Harley) хочит нохойтойгоо ярьж “хорхой”-гоо дарж байсан гэнэ.

“Мөнгөн хонжворын талаар ганцхан Харли мэдэж байсан” гэж хошигнох Тим сугалаагаар их хэмжээний мөнгө хожин байшин худалдаж авах тухай гэргийнхээ хамт мөрөөддөг байсан тухайгаа сэтгүүлчдэд өчсөн байна. Тийм ч учраас амралтын өдрийг хүртэл тэсч байгаад “амттайхан” дуулгахыг хүссэн аж.

Сугалаагаар их хэмжээний мөнгө хожсоноо сонсоод түүний эхнэр ихэд цочирдсон гэнэ.

“Тим энэ тухай надад хэлэлгүй хоёр хоног нууж чадсан гэдэгт итгэж чадахгүй байна. Энэ хорвоогийн хамгийн сайхан мэдээ байлаа. Би ямар их аз жаргалтай байна гээч...” хэмээн хатагтай Элисон өгүүлэв.

Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
АНХААРУУЛГА: Та сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээ зөрчсөн сэтгэгдэлийг админ устгах эрхтэй.
  • Их уншсан
  • Их сэтгэгдэлтэй