Жей Ло гуталчин болжээ
2020-02-14 11:13

Зуугийн талыг насалчихаад байж цоглог нь дэндсэн нэрт дуучин, жүжигчин, продюсер Женнифер Лопес The Camuto Group компанитай хамтран JLO Jennifer Lopez гутал, цүнхний брэндтэй болж байгаагаа зарлажээ.

Шинэ загварын гутал, пүүз, өндөр өсгийт болон цүнхныхээ сурталчилгаанд өөрөө тоглосон байна. Түүгээр ч үл барам зураг авалтынхаа сониноос инстаграм хуудсандаа оруулж хүүхнүүдийн “шунал”-ыг хөдөлгөөд амжжээ.

“Залуу халуун насандаа анх л уран бүтээлээ туурвиж эхлэхдээ л би дуу хөгжим, кино, загварын ертөнц гуравт хүчээ сорихыг хүсдэг байлаа. Надад асар их ач холбогдолтой гурван хотыг энэхүү цуглуулга маань төлөөлж байгаа юм. Би Нью-Йорк, Лос-Анжелес болон Майамигийн тухай ярьж байна” хэмээн Жей Ло өгүүлэв.

Эрч хүчтэй бүсгүй маань Black Eyed Peas хамтлаг болон колумб дуучин J Balvin нартай хамтран RITMO дууг шинэчлэн найруулж дуулсанаа саяхнаас цахим ертөнцөд цацаж эхэлсэн.

Мөн хоёрдугаар сарын эхээр америк хөлбөмбөгийн улирлын оргил тоглолт болох Сүпербоулын үеэр дуучин Шакирагийн хамт тайзан дээр гарч Майами хотын Hard Rock Stadium цэнгэлдэх хүрээлэнг донсолгож, үзэгч фэнүүдийнхээ цөсийг хөөргөсөн билээ.

Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
АНХААРУУЛГА: Та сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээ зөрчсөн сэтгэгдэлийг админ устгах эрхтэй.
  • Их уншсан
  • Их сэтгэгдэлтэй