Ухань хотоос ирсэн 31 оюутныг маргааш эмнэлгээс гаргана
2020-02-14 11:53

Эрүүл мэндийн яамнаас шинэ коронавирусийн халдварын нөхцөл байдал, урьдчилан сэргийлэхээр хэрэгжүүлж буй ажлуудын талаар мэдээлэл өгч байна.

ХӨСҮТ-ийн захирал Д.Нямхүү "Хоёрдугаар сарын 12-нд тусгаарлагдсан Дорнод аймгийн нэг, Баян-Өлгий аймгийн нэг болон ХӨСҮТ-д тусгаарлагдсан хоёр хүний шинжилгээний хариунууд сөрөг гарсан буюу шинэ төрлийн коронавирусийн халдвар илрээгүй.

Хоёрдугаар сарын 13-нд ХӨСҮТ-д хоёр хүн тусгаарлагдсан. Тэр хүмүүс Монголд өмнө нь ирсэн байсан. Мөн хоёрдугаар сарын 13-нд Бээжин-Улаанбаатарын онгоцоор ирсэн, Хунань мужид сурдаг зургаан оюутан тусгаарлагдан хянагдаж байгаа. Хоёрдугаар сарын 14-ний байдлаар ХӨСҮТ-д 8 хүн, Архангай аймагт нэг тохиолдол гээд нийт 9 хүн тусгаарлагдан шинжилгээ, үзлэгт хамрагдаад хянагдаж байна. Шинжилгээний хариуг хүлээж байгаа.

Ухань хотоос ирж тусгаарлагдсан 31 оюутныг давтан шинжилгээнд хамруулсан бөгөөд шинэ төрлийн коронавирусийн халдвар илрээгүй. Ухань хотод байхдаа нэгдүгээр сарын 23-наас хоёрдугаар сарын 1-ныг хүртэл хятад эмч нарын хяналтад байж байгаад ирсэн эдгээр оюутнуудын 14 хоног нь маргааш дуусах учраас манай эмч нар зөвлөлдөөд маргааш гаргахаар шийдвэрлэсэн" гэв.

Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
  • Их уншсан
  • Их сэтгэгдэлтэй