Азгүй оргодлын алдаатай алхам
2020-02-15 11:09

АНУ-ын Жоржи мужийн Харалсон тойргийн хорих ангийн хүмүүжигч дүүжин таазан дахь нүхээр оргосон байна.

34 настай Грегори Кит Уайетт (Gregory Keith Wyatt) гэгч этгээд зам тээврийн осол гаргачихаад хэргийн газраас зугтсан хэргээр 2019 оны зургаадугаар сараас тус хорих ангид хүмүүжиж байсан аж.

Хоёрдугаар сарын 10-ны даваа гарагийн шөнө “сайн” эр дүүжин таазны гэрлийн нүүхээр авирч, таазан дахь хоолойгоор явсаар хорих ангиас оргож дөнгөсөн байна.

Оргодол этгээд шууд төрөлх Алабама мужийн Талладега хотыг зорьсон нь түүний хувьд “том” алдаа болжээ. Учир нь энэ мужид түүнийг бүр хүнд хэргээр буюу хар тамхи хадгалан борлуулсан хэрэгт буруутган эрэн сурвалжилж байсан гэнэ.

Уайеттыг оргосон мэдээллийг авчихаад байсан төрөлх хотынх нь тахарын албаны ажилтнууд нутгийн залуугаа гэрийнхээ босгоор дөнгөж давангуут "тосоод" авсан байна.

Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
АНХААРУУЛГА: Та сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээ зөрчсөн сэтгэгдэлийг админ устгах эрхтэй.

Сэтгэгдэл байхгүй байна

  • Их уншсан
  • Их сэтгэгдэлтэй