Уханиас ирж, тусгаарлагдсан оюутнууд өнөөдөр эмнэлгээс гарлаа
2020-02-15 12:07

БНХАУ-ын Ухань хотоос хоёрдугаар сарын 1-ний өдөр тусгай үүргийн онгоцоор авчирсан иргэдийг ХӨСҮТ-д 14 хоногийн турш тусгаарласан. Оюутнууд эмчийн тогтмол хяналтад байж, хоёр удаагийн шинжилгээ өгсөн бөгөөд коронавирусийн халдварын шинжилгээ сөрөг гарсан тул өнөөдөр өглөөнөөс эхлэн тусгаарлалтаас гаргаж байна.

ХӨСҮТ-ийн захирал Д.Нямхүү "Уханиас ирж тусгаарлагдсан оюутнууд 14 хоног нь дуусаад өнөөдөр эмнэлгээс гарлаа. Давтан шинжилгээ хийхэд сөрөг буюу шинэ коронавирус байхгүй гарсан. Шинж тэмдэг ямар нэгэн хүнд илрээгүй. Өдөр бүр халууныг нь үзэж эмчийн үзлэг хяналтад байлгасан.

Ингээд өнөөдөр бүгд баяртайгаар сэтгэл амар гэр орондоо орохоор боллоо гэж байсан.

Ухань хотод байхдаа нэгдүгээр сарын 23-наас хоёрдугаар сарын 1-ныг хүртэл хятад эмч нарын хяналтад байж байгаад ирсэн. Ингээд манайд 14 хоног нийтдээ 21 хоног хяналтад байсан. Бид  оюутнууддаа зөвлөмж бэлдэж өгөөд өөрсдөө бүртгээд явахаар зөвлөгөө өгөөд гаргалаа.

2020 оны хоёрдугаар сарын 13-нд ХӨСҮТ-д тусгаарлагдсан найман хүн, Архангай аймагт тусгаарлагдсан нэг, нийт есөн хүний шинжилгээнд коронавирус илрээгүй.

Одоогийн байдлаар буюу 2020 оны хоёрдугаар сарын 14-нд ХӨСҮТ-д гурван хүн, Завхан аймагт нэг, Дорнод аймагт нэг, Налайх дүүрэгт нэг буюу нийт зургаан хүн тандалт, шинжилгээ, хяналтад орсон байгаа" гэлээ.

Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
АНХААРУУЛГА: Та сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээ зөрчсөн сэтгэгдэлийг админ устгах эрхтэй.

Сэтгэгдэл байхгүй байна

  • Их уншсан
  • Их сэтгэгдэлтэй