Энистон Питтыг үл тоов
2020-02-15 13:02

Холливүүдийн од, 51 настай жүжигчин Женнифер Энистон (Jennifer Aniston) хувийн амьдралынхаа талаар үг дуугарах дургүй нэгэн. Гэхдээ түүний үйлдлүүд нь эзнээ бариад өгчихдөг юм.

Сарын өмнө экс нөхөр Брэд Питтийн хамт SAG Awards шагнал гардуулах ёслолын үеэр шуугиан дэгдээснээс нь хойш хүмүүс тэднийг эргэн нэг гэрт орох гэж байгаа хэмээн цуурах болсон. Гэхдээ Жен өөр бодолтой байгаа бололтой.

Хэд хоногийн өмнө болсон Америкийн киноакадемийн шагнал гардуулах ёслолын үеэр Брэдтэй цөөн хэдэн үг сольчихоод Энистон өөр нэгэн эрхмийн дэргэдээс алхам ч холдоогүй гэнэ шүү. Жен “Галзуу эрс” олон ангит киноны од Жон Хэммтэй бүхэл оройжин яриа дэлгээд их л хөгжүүн байсан сурагтай.

“Тэд хар багын найзууд шиг л чалчаад л байсан, чалчаад л байсан. Хүн болгон л анзаарсан” гэж нэгэн сул амтай нөхөр сэтгүүлчдэд ам алдсан байна.

Ноднин жил Энистоны 50 насны төрсөн өдрийн баярт Хэмм уригдсан байсан гэнэ. Брэд бас тэнд байсан болохоор хүмүүс нэг их анзаараагүй бололтой.

Мөн Хэммийг найз бүсгүйтэй эсэхийг Жен найзуудаасаа сэм асууж байсан аж.

Жен экс амрагаа сонгох уу, шинэ амрагтай болох уу, эс бөгөөс шинэ амрагтай болоод удаж байгааг нь та бид анзаараагүй өнгөрөөсөн үү, Брэдээс олны анхаарлыг холдуулахын тулд албаар ийм үйлдэл хийв үү гээд л энэ олон таамгийн алинийг нь үнэн болохыг цаг хугацаа харуулах буй за...

Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
АНХААРУУЛГА: Та сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээ зөрчсөн сэтгэгдэлийг админ устгах эрхтэй.

Сэтгэгдэл байхгүй байна

  • Их уншсан
  • Их сэтгэгдэлтэй