Шингэн шахуулсан уруул нь дэлбэрчээ
2020-02-17 09:50

Чадвар муутай эмчээр шингэн шахуулсан уруул нь дэлбэрч хараагүй болох шахсан хэрэг явдал Английн Стокпорт хотод гарчээ.

Таван жилийн турш шингэн шахуулсан уруултай явсан 25 настай Жессика Майотт (Jessica Myott) шанаа, урууландаа дахин бага зэргийн засвар хийлгэхээр гоо заслын эмнэлэгт хандсан байна. Нийгмийн сүлжээнээс сурталчилгааг нь үзсэн Faces By AKJ Aesthetics эмнэлгийн эмч нараар 450 фунт стерлинг (нэг сая 619 мянган төгрөг)-ийн төлбөр төлж, гурван миллилитр филлер шахуулсан аж. 

Маргаашнаас нь Майоттийн уруул хавдан асар их өвдөлт өгөх болжээ. Гоо заслын эмнэлэгтээ хандсан ч амралтын өдрүүд таарсан тул үзэх эмч байгаагүй гэнэ. Аргаа барсан бүсгүй клиникийн эмнэлэгт үзүүлтэл цусны халдвар авсан нь тодорхой болж эмч нар антибиотик уухыг зөвлөсөн байна.

Гэвч өвчин нь үгдэрч тэсгэл алдам их өвдөлт, амьсгал нь боогдох болсон тул шөнө нь Жессика эмнэлэгт дахин ханджээ. Эмч нар өөр эм бичиж өгөн гэртээ харьж амрахыг зөвлөсөн байна.

“Тэр шөнө хар дарсан зүүд шиг л өнгөрсөн. Маш их өвдөж байсан. Маргааш нь ажилдаа ч явж чадаагүй. Би юм идэж, ууж чадахгүй, дөрвөн настай охиноо ч харах боломжгүй байсан” гэж Майотт өгүүлэв.

Хэд хоногийн дараа дээд уруул нь “хагарсан” байна. Түүнийг яаралтай хагалгаанд оруулж, эрчимт эмчилгээ хийж эхэлсэн аж. Бүсгүй долоо хоног эмнэлэгт хэвтэж эмчлүүлсэн байна.

Хариуцлагагүй гоо заслын эмнэлэг Жессикад 2,5 мянган фунт стерлинг (найман сая 995 мянган төгрөг)-ийн л нөхөн төлбөрийг олгосон гэнэ шүү.

Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
АНХААРУУЛГА: Та сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээ зөрчсөн сэтгэгдэлийг админ устгах эрхтэй.

Сэтгэгдэл байхгүй байна

  • Их уншсан
  • Их сэтгэгдэлтэй