Хилчид шуурганаар төөрсөн иргэдийг аварчээ
2020-02-17 10:16

Дорноговь аймгийн Хатанбулаг сумын Сулин багийн иргэдийг цасан шуурганаар төөрч, бээрсэн байхад нь хилчид олж амийг нь аварчээ.

Тус сумын нутгаар энэ сарын 13-14-нд хүчтэй цасан шуурга шуурсны улмаас Сулин багийн иргэн Д.Наран, Б.Галбадрах нарыг малдаа яваад сураггүй болсон гэх мэдээллийг хилийн 0168 дугаар ангийн удирдлагад ар гэрийнхэн нь өгсөн байна. 

Мэдээллийн дагуу тус ангийн хилийн албаны тасгийн дарга, хошууч Д.Доржпалам ахлагчтай бүлэг хоёрдугаар сарын 14-ний 09:45 цагт иргэн Д.Наранг Хатанбулаг сумын Сулин багийн нутаг Талын худаг нэртэй газраас бээрсэн байдалтай байхад нь олж, анхны тусламж үзүүлжээ.

Мөн хилийн 0171 дүгээр салбарын хилчин, дэд түрүүч Л.Сэдэд, байлдагч Б.Пүрэвдорж нар тухайн өдрийн 16:00 цагт Сулин багийн Эрдэнэдалай гэх газраас иргэн Б.Галбадрахыг эзэнгүй айлын хоосон гэрт, хоол хүнсгүй, бээрсэн байхад нь олсон байна. Улмаар тэдэнд эмнэлгийн анхан шатны тусламж үзүүлж, ар гэрт нь хүлээлгэн өгчээ. 

Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
АНХААРУУЛГА: Та сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээ зөрчсөн сэтгэгдэлийг админ устгах эрхтэй.

Сэтгэгдэл байхгүй байна

  • Их уншсан
  • Их сэтгэгдэлтэй