Согтуу жолооч нар 6 зам тээврийн осол гаргажээ
2020-02-17 11:03

Тээврийн цагдаагийн албаны Жижүүрийн шуурхай удирдлагын хэлтэст энэ сарын 15-16-ны амралтын өдрүүдэд нийт 460 дуудлага мэдээлэл хүлээн авснаас 347 дуудлага зам тээврийн ослын шинжтэй дуудлага бүртгэгдсэн байна. Бүртгэгдсэн зам тээврийн ослын улмаас 9 хүн гэмтэж, ноцтой зам тээврийн ослын улмаас 1 хүний амь нас хохирсон байна. 

Хоёрдугаар сарын 16-ны 01:18 цагийн орчимд Сонгинохайрхан дүүргийн 18 дугаар хороо, Толгойтын “Залуус” хотхоны урд уулзварын зам дээр ЗИЛ-130 маркийн автомашины жолооч Д нь явган зорчигч овог, нэр, гэрийн хаяг тодорхойгүй /30 орчим насны эмэгтэй/-г мөргөж, амь насыг хохироосон хэргийг тээврийн цагдаагийн албанаас шалгаж байна.

Мөн алба хаагчдаас хийсэн хяналт шалгалтын үеэр согтуугаар тээврийн хэрэгсэл жолоодсон 24 жолоочийг илрүүлж хуулийн дагуу хариуцлага тооцсон байна. Согтууруулах ундааны зүйл хэрэглэсэн үедээ автомашин жолоодож зам тээврийн осол гаргасан 6 зөрчил бүртгэгдсэн байна.

Нийт замын хөдөлгөөнд оролцогч та бүхэн архи, согтууруулах ундааны төрлийн зүйл хэрэглэсэн үедээ тээврийн хэрэгсэл жолоодож хөдөлгөөнд оролцохгүй байх, явган зорчигч хэлбэрээр хөдөлгөөнд оролцохдоо өөрийн аюулгүй байдлыг хангаж, замын хөдөлгөөний дүрмээ чанд баримтлан хөдөлгөөнд оролцохыг ТЭЭВРИЙН ЦАГДААГИЙН АЛБАНААС анхааруулж байна.

Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
АНХААРУУЛГА: Та сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээ зөрчсөн сэтгэгдэлийг админ устгах эрхтэй.

Сэтгэгдэл байхгүй байна

  • Их уншсан
  • Их сэтгэгдэлтэй