47 жилийн тэртээ алга болсон бэлзэг өөр тивээс олджээ
2020-02-18 10:16

АНУ-д бараг хагас зуун жилийн өмнө алдагдсан бөгж хаа холын Европ тивийн Финланд улсын ойгоос олдож, эзэндээ эргэн ирсэн хачин чигтэй үйл явдлын тухай дор өгүүлье.

1973 онд Мэн мужийн оршин суугч Шон (Shawn) дурлалт бүсгүй Дебра МакКенна (Debra McKenna)-даа Морзегийн дунд сургуулийг төгсөгчдийн холбооны дурсгалын бэлзгийг дурсгасан байна.

“Тэр миний пальтоны халаасанд болзох хүсэлтээ илэрхийлсэн зурвас үлдээсэн байсан. Гурав хоногийн дараа бид хоёр анхныхаа болзоонд явцгаасан даа. Тэнд л надад тэр бэлзгийг бэлэглэсэн юм” хэмээн Дебра дурсан ярив.

Хэдэн сарын дараа бүсгүй нэгэн худалдааны төвийн ариун цэврийн өрөөнд гараа угаахдаа бөгжөө тайлж тавьчихаад мартаад гарч явсан гэнэ. Хэсэг хугацааны дараа бэлзгээ мартсанаа санаад эргэн иртэл хэзээний “эзэн”-ээ олчихсон байсан аж. Бөгж олдвол холбогдохыг хүссэн зурвасын хамт  нэрийн хуудсаа үлдээсэн ч  хагас зуун жилийн турш түүн рүү “залгах” хүн гараагүй байна.

Харин саяхан Финландын оршин суугч Марко Сааринен (Marko Saarinen) ойд металл хайгчаар юм хайж байгаад түүний бөгжийг олжээ. Финланд эр Морзе сургуулийн удирдлагатай холбогдож өөрийнхөө олзны талаар мэдэгдсэнээр хатагтай Дебра бараг хагас зуун жилийн дараа дурсгалтай бөгжөө эргүүлэн олж авсан байна.

Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
АНХААРУУЛГА: Та сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээ зөрчсөн сэтгэгдэлийг админ устгах эрхтэй.

Сэтгэгдэл байхгүй байна

  • Их уншсан
  • Их сэтгэгдэлтэй