Худалдааны төв болон супермаркетуудад хяналт шалгалтыг хийжээ
2020-02-18 10:42

Шинэ коронавирусийн тархалт эрс нэмэгдэж байгаатай холбогдуулан “Цагаан сарын баяр”-ыг тэмдэглэхгүй байж, болзошгүй аюулаас урьдчилан сэргийлэх тухай Монгол Улсын Ерөнхийлөгчийн гаргасан зарлигийн хэрэгжилтийг хангуулах, болзошгүй аюулаас урьдчилан сэргийлэх зорилгоор Чингэлтэй дүүрэгт үйл ажиллагаа явуулдаг томоохон зах, худалдааны төвүүд, супермаркетуудад зар сурталчилгааны самбар байршуулан олон нийтийг хамруулсан үзэсгэлэн худалдаа явуулж байгаа эсэхэд тус дүүрэг дэх МХХ хяналт тавин ажиллажээ.

Шалгалтад тус дүүрэгт үйл ажиллагаа явуулж буй Эрдэнэбулган ХХК-ийн Бөмбөгөр 1, Эрдэнэбулган ХХК-ийн Бөмбөгөр-2, “Юмт бөмбөгөр” ХХК-ийн “Бөмбөгөр-1”, “Хүчит шонхор” ХХК-ийн “Шонхор”, “Анко” ХХК-ийн “Нарантуул-2”, “Мөнгөт цахир трейд ХХК-ийн “Нарлаг дэнж”, “Замлинтаяамэд ХХК-ийн “Дөрвөн шонхор”, “Амин хүнс” ХХК-ийн “Амин хүнс” зэрэг 9 худалдааны төв болон “Улсын их дэлгүүр", “Миний дэлгүүр”, “Хайлааст-84”, “Фреско”, “Фреш” зэрэг 5 супермаркетуудыг хяналт шалгалтад хамруулсан байна.

Шалгалтаар “Сар шинийн баяр”-ын урамшуулалт худалдааны анонс, самбар байршуулсан 4 худалдааны төвийн зар сурталчилгааны самбаруудыг буулгуулжээ.

Эх сурвалж: НМХГ

Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
АНХААРУУЛГА: Та сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээ зөрчсөн сэтгэгдэлийг админ устгах эрхтэй.

Сэтгэгдэл байхгүй байна

  • Их уншсан
  • Их сэтгэгдэлтэй