Месси, Хэмилтон хоёр шагналаа “хуваана”
2020-02-18 11:15

Оны шилдэг тамирчинд олгодог нэр хүндтэй Laureus World Sports Awards шагналыг хэн гардан авах нь тодорхой болжээ.

“Барселона”-гийн довтлогч Лионель Месси болон “Формула 1” авто уралдааны домогт тамирчин, “Mercedes AMG Petronas Motorsport” багийн нисгэгч Льюис Хэмилтон нар энэхүү шагналыг “хувааж” авах гэнэ.

Энэ хоёр алдартнаас гадна уг шагналд талбайн теннисийн нэрт тамирчин Рафаэль Надаль, алдарт гольфчин Тайгер Вүүдс, марафон гүйгч Элиуд Кипчоге болон мото уралдаанч Марк Маркес нар нэр дэвшээд байсан юм.

Месси  багийн спортын тамирчдаас хамгийн анх энэхүү шагналыг гардан авахаар болж байгаа аж.

Өнгөрөгч онд аргентин хөлбөмбөгчин “Алтан бөмбөг” шагналын эзнээр зургаадахь удаагаа тодорсон бол англи уралдаанч залуу мөн л зургаадахь удаагаа “Формула 1”-ийн аварга болсон билээ.

Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
АНХААРУУЛГА: Та сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээ зөрчсөн сэтгэгдэлийг админ устгах эрхтэй.

Сэтгэгдэл байхгүй байна

  • Их уншсан
  • Их сэтгэгдэлтэй