Ээжийнхээ хүүхэд насанд хүүхдүүд нь “очжээ”
2020-02-19 10:08

АНУ-ын Охайо мужийн North Canton дунд сургуулийн ажилтан сурагч охины 1957 онд гээсэн цүнхийг олжээ.

Тус сургуулийн аж ахуйн ажилтан Чез Пайл (Chas Pyle) плинтус засварлаж байгаад хувцасны шүүгээг хөдөлгөтөл араас нь тоосонд дарагдсан хуучны цүнх гарч ирсэн байна.

Уг цүнх нь 63 жилийн тэртээ Патти Рамфола (Patti Rumfola)-гийн гээсэн цүнх болохыг  сургуулийн удирдлагууд олж мэдээд хүүхдүүдэд нь хүлээлгэн өгчээ. Цүнхний эзэн 2013 онд ертөнцийн мөнх бусыг үзсэн аж.

Паттигийн таван хүүхэд халуун ам бүлээрээ цугларч байгаад ээжийнхээ сурагч ахуй үеийнх нь цүнхийг нээсэн байна.

Цүнхнээс үзэг, харандаа, үсний сам, түрийвч, бага сага гоо сайхны бүтээгдэхүүн, номын сангийн үнэмлэх, найз нөхөд, гэр бүлийнхний гэрэл зургууд болон 26 цент зэрэг эд зүйлс гарч иржээ.

Хатагтай Рамфола 1960 онд ахлах сургуулиа дүүргэсэн бөгөөд насаараа багшаар ажилласан гэнэ.

Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
АНХААРУУЛГА: Та сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээ зөрчсөн сэтгэгдэлийг админ устгах эрхтэй.

Сэтгэгдэл байхгүй байна

  • Их уншсан
  • Их сэтгэгдэлтэй