Хүчингийн хэргээ ихэртээ тохжээ
2020-02-20 10:00

Их Британийн нийслэл Лондон хотын Кольерс Вуд цэцэрлэгт хүрээлэнд нэгэн эмэгтэйг хүчирхийлэхийг завдсан алжир цагаач гэмт үйлдлээ ихрийн өрөөсөндөө тохохыг оролдсон байна.

Хохирогчийг метроны буудлаас дагасан 21 настай Халед Аргуб (Khaled Argoub) гэгч этгээд бүсгүйг бут руу чирэн хоолойг нь боож, хүчиндэхийг завджээ.

Хүчирхийлэгчийн анхаарлыг сарниулах зорилгоор хохирогч бүсгүй биеийн тамирын хувцсаа өөрөө тайлаад хэргийн газраас нүмгэн зугтаж, тусламж эрэн орилсноор аврагдсан байна. Хоолойгоо боолгуулж, цохиулсны улмаас бүсгүй хүзүү, толгойндоо багагүй гэмтэл авсан аж.

Хяналтын камер болон хохирогч бүсгүйн хумснаас олдсон гэмт этгээдийн ДНХ-гаар Аргубын гэм буруутай нь тогтоосон байна.

Харин сэжигтэн этгээд шүүх хурал дээр хэрэг гарах үеэр гэртээ унтаж байснаа өгүүлээд ихрийн өрөөсөн нь уг хэргийг үйлдсэн байх хэмээн хээвнэг ярьсан гэнэ. Гэвч прокурор Шарлотта Ньювелл (Charlotte Newell) сэжигтэн этгээд хөршүүддээ Будант Альбионд цор ганцаараа ирсэн, гэр бүлийнхэн нь байхгүй хэмээн ярьж байсан тухай баримтыг дэлгэжээ.

Энэ нь Аргубын үйлдсэн анхны хэрэг биш гэнэ. Дээрх хэргээс гадна гурван хүчингийн хэрэг, хоёр хүчирхийлэхийг завдсан үйлдэлд түүнийг буруутгаж байгаа ч тэрбээр бүгдийг үгүйсгэж байгаа аж.

Шүүх хурал үргэлжилж байна.
 

Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
АНХААРУУЛГА: Та сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээ зөрчсөн сэтгэгдэлийг админ устгах эрхтэй.

Сэтгэгдэл байхгүй байна

  • Их уншсан
  • Их сэтгэгдэлтэй