Мадонна нялх амрагаа “гэрэлд цохиулав”
2020-02-20 11:25

61 настай поп од Мадонна дуучныхаа хувьд ч дурлалынхаа хувьд нэгэн шинэ амжилтыг тогтоожээ.

Түүний шинэ бүтээл I Don't Search I Find дуу нь Billboard Dance Club Songs-ийн жагсаалтыг тэргүүлснээр Биллбордын жагсаалтыг дуунууд нь 50 удаа тэргүүлж байсан анхны уран бүтээлч болсон байна.

Мадонна энэхүү хосгүй амжилтаа найзуудынхаа хамтаар Лондон хотод тэмдэглэжээ.

Тэрбээр үдэшлэгийнхээ бичлэгээс инстаграм хуудсандаа оруулсан тул ямархуу “галзуу” цэнгүүн болсныг үзэж сонирхох боломжтой. Поп хатагтайн зочдын дунд сүүлийн үед түүнтэй нэр холбогдох болсон 25 настай бүжигчин залуу Ахламалик Уильямс ч байгааг та энэхүү бичлэгээс үзэж болно.

“Залуу хос” энэ талаар ямар нэгэн тайлбарыг хийгээгүй байгаа тул одоохондоо зүгээр л “цуу яриа” гэж бодоод өнгөрч болох юм. Гэхдээ Мадоннагийн галзуу анд, жүжигчин Деби Мейзар тэднийг үерхэж байгаа хэмээн хэдийнэ ам алдчихсан шүү.

 

Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
АНХААРУУЛГА: Та сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээ зөрчсөн сэтгэгдэлийг админ устгах эрхтэй.

Сэтгэгдэл байхгүй байна

  • Их уншсан
  • Их сэтгэгдэлтэй