Улс, хот хоорондын авто болон төмөр замын хөдөлгөөнийг хоёрдугаар сарын 23-наас 27-ныг хүртэл зогсоох шийдвэр гаргалаа
2020-02-20 15:41

Монгол Улсын Шадар сайдын ахалдаг Улсын онцгой комисс өнөөдөр хуралдаж, Цагаан сарын баярын өдрүүдэд улс, хот хоорондын зорчигч тээврийн хөдөлгөөнийг түр зогсоох шийдвэр гаргаснаа танилцууллаа.

Монгол Улсын Шадар сайд, Улсын Онцгой комиссын дарга Ө.Энхтүвшин "Улсын онцгой комиссын тав дахь хуралдаан боллоо. Энэ удаагийн хурлаар эхлээд өмнөх дөрвөн хурлаас гарсан шийдвэрийн хэрэгжилтийг дүгнэлээ. Ингээд зарим асуудлыг хэлэлцэн шийдвэрлэлээ. БНХАУ-д өргөн дэлгэр тэмдэглэдэг Хаврын баярын үеэр Ухань хотоос 5 сая хүн, улсынхаа хэмжээнд 84 сая хүн шилжилт хөдөлгөөн хийсэн нь өвчний тархалт бий болоход нөлөөлснийг хүлээн зөвшөөрсөн. Бид үүнээс сургамж авах хэрэгтэй.

13 аймгийн Онцгой комиссын дарга нараас ирсэн саналыг үндэслэн улс, хот хоорондын зорчигч тээврийн хөдөлгөөнийг хоёрдугаар сарын 23-ны 08:00 цагаас 27-ны 08:00 цаг хүртэл түр зогсоох шийдвэр гаргалаа. Үүнийг ЗТХ-ийн сайдад даалгалаа. Гэхдээ нислэгийг хязгаарлахгүй. Харьцангуй цөөн нислэг буюу уул уурхайн компаниудын захиалгат нислэгүүд байгаа. Бусад автобус, галт тэрэг, автомашинаар зорчих хөдөлгөөнд хязгаарлалт хамаарна" гэв.

Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
  • Их уншсан
  • Их сэтгэгдэлтэй