Төөрсөн иргэдийг эсэн мэнд олжээ
2020-02-21 10:16

Нийслэлийн Багахангай дүүрэгт цасанд сууж, төөрсөн иргэдийг Онцгой байдлын алба хаагчид эсэн мэнд олжээ.

Иргэн Д /69 настай эрэгтэй/, Г/25 настай, эмэгтэй/, Г /26 настай, эрэгтэй/ нар Портер загварын автомашинтай Төв аймгийн Баян сумаас 11:00 цагийн орчимд гараад одоог болтол сураггүй байна гэсэн дуудлагыг хоёрдугаар сарын 20-ны 17:51 цагт хүлээн авсан байна.

Дуудлага аваад Багахангай дүүргийн Онцгой байдлын хэлтсийн алба хаагчид, 1 автомашинтайгаар 18:35 цагаас эрэн хайх ажиллагааг эхлүүлж Багахангай дүүргээс баруун хойд зүгт 40 км, “Гөлтгөнө” гэдэг газраас автомашин нь цасанд суусан, төөрсөн байхад нь эсэн мэнд олжээ.

Мөн Багахангай дүүргээс баруун хойно байрлах Үнэгтэй ууланд иргэн Б/35 настай, эрэгтэй/, Б /28 настай, эрэгтэй/ нар 09 цагийн үед хониндоо мотоцикльтэй яваад одоо болтол сураггүй байна гэсэн дуудлагыг хоёрдугаар сарын 20-ны 22:15 цагт хүлээн авсан тус дүүргийн Онцгой байдлын хэлтсийн алба хаагчид 22:45-аас эрэн хайх ажиллагааг эхлүүлж, Төв аймгийн Баян сумын нутаг, Цант бригад гэдэг газраас дугуй нь хагарч, бензин нь дууссан, төөрч явахад нь шөнийн 00:25 цагт эсэн мэнд олсон байна.

Эх сурвалж: ОБЕГ

Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
АНХААРУУЛГА: Та сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээ зөрчсөн сэтгэгдэлийг админ устгах эрхтэй.

Сэтгэгдэл байхгүй байна

  • Их уншсан
  • Их сэтгэгдэлтэй