С.Чинзориг сайд АТГ, УЕП, ЦЕГ, ТЕГ-т хандлаа
2020-02-21 14:35

УИХ-ын гишүүн, Хөдөлмөр нийгмийн хамгааллын сайд С.Чинзориг өнөөдөр /2020.02.21/ мэдээлэл хийлээ.

Тэрбээр “Нийгмийн даатгалын газрын дарга болон удирдлагуудыг хорьж саатуулсан асуудалтай намайг холбон ярьж, захиалгат гүтгэлгийг тарааж байна. Улс төрийн намын удирдлагууд намайг энэ хэрэгт холбоотой, буруутай хүнийг шалгахгүй байна гэж мэдэгдсэн. Би тухай бүрд нь тайлбараа хэлж байсан. ХНХ-ын сайдын хувьд би албан тушаалаа ашиглан бусдад давуу эрх олгож байгаагүй. 

Аливаад хэмжээ хязгаар бий. Хүлээцтэй хандаж ирсэн боловч сүүлийн үед эрчимжиж, намайг онц ноцтой хэрэгт гүтгэж байна. Тиймээс өнөөдөр АТГ-д өөрийгөө шалгуулахыг хүссэн өргөдөл өгч байна. Мөн хувь хүн болон манай байгууллагын нэр хүндэд халдсан тул Улсын Ерөнхий прокурорт хандан намайг яллагдагчаар татсан эсэх тухай албан мэдээллийг гаргаж өгөхийг хүсч байна” гэлээ.

Мөн түүний нэр төр, ажил хэргийн нэр хүндийг онц ноцтойгоор халдаж, худал ташаа мэдээлэл гаргасан этгээдэд хариуцлага тооцох хүсэлтийг ч цагдаагийн байгууллагад гаргаснаа мэдээллээ. 

Түүнээс гадна энэ асуудлаар Тагнуулын ерөнхий газарт хандаад буй бөгөөд анх уг мэдээллийг гаргасан фэйсбүүк, твиттер хаягийн эзнийг тодруулах, үнэн худал хаяг эсэхийг нь шалгуулахаар болоод байгаа юм байна.

Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
АНХААРУУЛГА: Та сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээ зөрчсөн сэтгэгдэлийг админ устгах эрхтэй.

Сэтгэгдэл байхгүй байна

  • Их уншсан
  • Их сэтгэгдэлтэй