Өвөөгийн үг “эрдэнэ”
2020-02-22 09:49

АНУ-ын Виржини мужийн оршин суугч бүсгүй өвөөгийнхөө зөвлөгөөг дагаад хонжворт сугалаагаар их хэмжээний мөнгө хожжээ.

Хойд Каролина мужийн Мебан хотод амьдардаг өвөөгийндөө хэд хоног айлчилсан Кейтлен Рани (Kaitlen Raney) нэгэн өдөр гэрийн эзний хамт Hawfields General Store хүнсний дэлгүүрээр орсон байна. Бүсгүй байнга авдаг нэг долларын (2760 төгрөг) үнэтэй сугалаанаас авахыг завдтал өвөө нь 20 долларын (55 мянга хоёр зуун төгрөг) Ruby Red сугалааны тасалбарыг авахыг ятгаж дөнгөсөн гэнэ.

Тэд хариад тасалбараа шалгатал өвөөгийн зөвлөгөө ач охиндоо 100 мянган долларын (276 сая төгрөг) хожил авчирсан байж.

“Өвөө минь та мундаг шүү. Би түүнийг тансаг оройн зоогонд даах өртэй болчих шиг боллоо” хэмээн марзагнах Рани хожлын мөнгөө хүүгийнхээ коллежийн сургалтын төлбөр, байр худалдаж авахад зарцуулахаар хадгаламжиндаа хийхээр шийджээ.

Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
АНХААРУУЛГА: Та сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээ зөрчсөн сэтгэгдэлийг админ устгах эрхтэй.

Сэтгэгдэл байхгүй байна

  • Их уншсан
  • Их сэтгэгдэлтэй