Үглээ тоть эздээ аврав
2020-02-26 11:06

Ярьдаг тоть нь гэрийнхээ эздэд гал түймрийн талаар мэдээлж, амийг нь аварсан азтай хэрэг явдал АНУ-ын Теннесси мужид энэ сарын 3-нд гарчээ.

Гэрийн эзэн 61 настай Ларри, түүний эхнэр 63-тай Барбара Кляйн болон зургаан настай ач охин Кейтлин нар шөнө дунд Луи нэрт тотиныхоо “гал, гал” хэмээн бахирах дуунаар сэрцгээжээ.

“Биднийг сэрэхэд гал түймэр байшинг маань бараг тэр чигт нь нөмөрч байсан. Луи жинхэнэ баатар. Хэрэв тэр байгаагүй бол бид өнгөрөх байлаа” гэж Барбара өгүүлэв. Урьд өмнө нь Луи “гал” гэсэн үгийг хэзээ ч хэлж байгаагүй гэнэ.

Ларри гал түймрийг унтраахыг оролдон, тоть, дөрвөн гөлөгөө аврахыг завдсан ч угаартаж эхэлсэн тул эхнэр, ач охиныхоо хамт л гарч амжжээ. Тэд автомашиндаа суун аюулгүй зайнд холдсон хойноо онцгой байдлын албанд дуудлага өгсөн байна.

Гэрийн тэжээвэр амьтдаа аврахыг оролдсон Ларригийн нүүр нь түлэгдэж, угаарын хий ихээр залгисны улмаас уушиг нь хүнд гэмтсэн байжээ.

Хотын оршин суугчид тэдэнд тусламжийн гараа сунгаж, хандивийн аян өрнүүлсэн гэнэ. Өр нимгэн нэгэн хүн нэг өрөө байр, тоть бэлэглэсэн бөгөөд Кляйны гэр бүлийнхэн аврагч андынхаа дурсгалыг хүндэтгэн шинэ тотиндоо бага Луи гэх алдрыг хайрлажээ.

Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
АНХААРУУЛГА: Та сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээ зөрчсөн сэтгэгдэлийг админ устгах эрхтэй.

Сэтгэгдэл байхгүй байна

  • Их уншсан
  • Их сэтгэгдэлтэй