Италиас ирсэн 8 хүнийг ХӨСҮТ-д тусгаарлан эмчийн үзлэг, шинжилгээнд хамруулжээ
2020-02-26 12:26

Эрүүл мэндийн яамнаас шинэ коронавирус COVID-19-ийн халдварын нөхцөл байдлын талаар ээлжит мэдээллээ хийлээ.

ХӨСҮТ-ийн ерөнхий захирал Д.Нямхүү "2020 оны хоёрдугаар сарын 24-нд ХӨСҮТ-д тусгаарлагдсан тав, Орхон аймагт тусгаарлагдсан нэг тохиолдлын шинжилгээний хариу сөрөг буюу коронавирус илрээгүй. 

2020 оны хоёрдугаар сарын 25-ны өдөр Багануур дүүрэгт хоёр, Төв аймгийн Цээл суманд нэг, Орхон аймагт нэг, Баян-Өлгий аймагт нэг буюу нийт таван сэжигтэй тохиолдол тусгаарлагдаж, тандалт судалгаа, шинжилгээ хийгдэж байна.

БНСУ руу яваад эргэж ирээд ажиглалтад орсон ХӨСҮТ-д зургаа, “Асралт мед” хувийн эмнэлэгт 37, мөн аймгуудын эмнэлэгт 10, Улаанбаатар хотод гэрт нь найман хүнийг тус тус тусгаарласан. Нийт 61 хүнийг ажиглалтад оруулаад байна.

Өнөөдөр өглөө Москва-Улаанбаатар чиглэлийн онгоцоор Итали Улсын Милан хотод загварын шоунд оролцоод ирсэн зургаан монгол иргэн болон хоёр итали зорчигчийг ХӨСҮТ-д тусгаарлан эмчийн үзлэг, шинжилгээнд хамруулж, хяналтад оруулаад байна” гэлээ.

Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
  • Их уншсан
  • Их сэтгэгдэлтэй