Наоми Кэмпбелл “борлогджээ”
2020-02-26 12:56

1990-ээд онд загварын ертөнцийг донсолгож байсан, ааш муутайгаараа алдартай топ модель, 49 настай Наоми Кэмпбелл (Naomi Campbell) гоонь байх аа больжээ.

Тэрбээр Burna Boy нэрээр уран бүтээлээ туурвидаг 28-тай рэппер Дамини Огулутай амрагийн харьцаа тогтоосон бололтой.

Тэднийг но-той болсон гэдэг нь анх Brit Awards шагнал гардуулах ёслолын дараах хүлээн авалтын үеэр тодорхой болсон гэнэ. Тэр үдэш загвар өмсөгч бүсгүй, дуучин залуу хоёр бие биенээсээ алхам ч холдолгүй бусдад өөрсдийгөө учиртай болсон гэдгээ зарлан тунхаглаж буй мэт л аальгүйтэн, эрхлэлдэж байсан аж.

Тэр цагаас хойш хоёр эрхмийг зүгээргүй болсон гэх цуу яриа тарах болсон агаад үүнийг батлах үйл явдал саяхан болжээ. “Залуус” Лондон хотын Chiltern Firehouse зоогийн газарт хамтдаа хооллож байгаад папарацци нарын дуран авайд өртсөн байна.

Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
АНХААРУУЛГА: Та сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээ зөрчсөн сэтгэгдэлийг админ устгах эрхтэй.

Сэтгэгдэл байхгүй байна

  • Их уншсан
  • Их сэтгэгдэлтэй