Нийтийн тээврийн хэрэгслүүдэд гар ариутгагч байрлуулж үйлчилгээнд гаргажээ
2020-02-27 10:16

Нийтийн тээврийн хэрэгслүүдэд цэвэрлэгээ, ариутгал хийж, бүх автобус, троллейбусанд зорчигчдод зориулсан гар ариутгагч байрлуулж үйлчилгээнд гаргаж эхэлжээ.

Нийслэлийн Нийтийн тээврийн үйлчилгээний газрын зүгээс иргэд, зорчигчдыг амны хаалт зүүж зорчихыг анхааруулж, шаардлага тавьж буй аж.

Нийслэлийн нийтийн тээврийн үйлчилгээг өнөө өглөөний 06:00 цагаас гуравдугаар сарын 3-ны өдрийн 07:00 цаг хүртэл тусгай хуваарьт шилжүүлэх  шийдвэрийг Нийслэлийн Онцгой комиссоос гаргасан.

Гуравдугаар сарын 3-ныг хүртэл нийтийн тээвэр 06:00-10:00, 17:00-21:00 цагуудад бүх чиглэлд үйлчлэх бөгөөд өдрийн цагаар тодорхой хязгаартай үйлчлэхээр болсныг өчигдөр мэдээлсэн юм.

Нийтийн тээврийн үйлчилгээний автобусны байршил, зогсоолын мэдээллийг онлайнаар "Ub smart bus" аппликейшнээр авах боломжтой.

Эх сурвалж: НТҮГ

Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
  • Их уншсан
  • Их сэтгэгдэлтэй