Орхон, Баян-Өлгий, Төв аймаг болон Багануур дүүрэгт тусгаарлагдсан иргэдээс COVID-19 илрээгүй
2020-02-27 12:20

Эрүүл мэндийн яамнаас шинэ коронавирус COVID-19-ийн халдварын талаар өнөөдөр ээлжит мэдээллээ хийлээ.

ХӨСҮТ-ийн Ерөнхий захирал Д.Нямхүү "2020 оны хоёрдугаар сарын 25-нд Багануур дүүргийн хоёр, Төв аймгийн Цээл суманд болон Орхон, Баян-Өлгий аймагт тусгаарлагдсан тус бүр нэг тохиолдол буюу нийт таван тохиолдлын шинжилгээний хариу гарч, коронавирус илрээгүй.

БНСУ руу зорчоод буцан ирж, ажиглалтад орсон 51 хүний шинжилгээнд мөн коронавирус илрээгүй.

ХӨСҮТ-д зургаа, Асралт мед эмнэлэгт 37 болон гэртээ тусгаарлагдан ажиглалтад орсон найм гээд эдгээр нийт 51 хүнд коронавирус илрээгүй.

Мөн хоёрдугаар сарын 26-нд ХӨСҮТ-д сэжигтэй тохиолдол хоёр, Налайх дүүрэгт нэг, Орхон аймагт нэг гээд нийт дөрвөн тохиолдлыг тусгаарлан, шинжилгээ хийгдэж байна. Мөн өнөө өглөө онгоцуудаар ирсэн хүмүүсийг зохих дүрэм, журмын дагуу ажиглалтад авч, тусгаарласан байгаа" гэлээ.

Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
  • Их уншсан
  • Их сэтгэгдэлтэй