Мэхт мэхэндээ буюу бурханы гэсгээлийг чангахан хүртэв
2020-03-04 10:06

15 жил хамтдаа амьдарсны эцэст Хелен гал сөнөөгчөөр ажилладаг нөхөр Жимээсээ салахаар шийдэн, байшин, хамаг эд хөрөнгөө шүүхээр өөртөө авч дөнгөсөн байна. Мөн шүүхээс Жим болон түүний гэр бүлийнхнийг Хеленд 500 метрээс илүү ойртохыг хориглосон шийдвэрийг гаргажээ. Энэхүү шүүхийн шийдвэр л Хеленд бурханы гэсгээл гэгч зүйл байдгийг сануулсан гэлтэй үйл явдал хэдхэн хоногийн дараа өрнөсөн гэнэ.

Шүүх хурлаас долоо хоногийн дараа бүсгүйн байшинд гал гарсан байна. Гал түймрийн дуудлага аваад Жимийн баг хэргийн газар луу очтол өөрийнх нь хуучин байшин шатаж байх нь тэр. Гал сөнөөгчид хэргийн газарт дөхөж очоод 500 метрийн наана зогссон байна. Шүүхийн шийдвэрийг ямар зөрчилтэй биш. Өөрийнхөө багийнханд байшин руу ойртохыг Жим хориглосон байна. Салсан эхнэр нь гал сөнөөгчдийн өөр багийг дуудаж, тэднийг ирэх гэсээр байтал харамсалтай нь байшин нь юу ч үгүй шатаж дуусчээ.

Хэрүүлч Хелен нөхрөөрөө нөхөн төлбөр гаргуулж, шинэ байшинтай болохоор шүүхэд нэхэмжлэл гаргасан байна. Харин шүүх хурал дээр түүнийг болон гэр бүлийнхнийг нь Хеленд ойртохыг хориглосон шийдвэртэйг Жим мэдэгдсэн байна. Олон жил хамтдаа ажилласан хамт олон нь түүний гэр бүлийн гишүүд шиг л дотно тул шүүхийн шийдвэрийг дагахаас өөр арга байгаагүй гэсэн тайлбарыг хийжээ. 

Шүүх ч түүнийг гэм буруугүй гэсэн шийдвэрийг гаргасан байна.

Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
АНХААРУУЛГА: Та сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээ зөрчсөн сэтгэгдэлийг админ устгах эрхтэй.

Сэтгэгдэл байхгүй байна

  • Их уншсан
  • Их сэтгэгдэлтэй