Цэцэг, ургамалдаа хоёр жил "хулхидуулжээ"
2020-03-06 10:07

АНУ-ын Калифорни мужийн оршин суугч эмэгтэй хоёр жил арчилж тордсон суккулент ургамлаа өөр саванд шилжүүлэн суулгахдаа л хиймэл, хуванцар эд байсныг нь мэдсэн байна.

Сели Уилкс (Caelle Wilkes) энэхүү ургамлаараа ихэд бахархдаг байсан бөгөөд гэр бүлийнхээ бусад гишүүдээр арчлуулах, услуулах дургүй байсан гэнэ. “Суккулент усархаг төрлийн ургамал учраас маш бага услах ёстой. Долоо хоногтоо ганц удаа услахад л болно. Их уславал амархан үхчихдэг юм” хэмээн Сели өгүүлэв.

Өнгөрөгч сарын сүүлээр бүсгүй ургамлынхаа савыг солихоор шийджээ.

“Би суккулентдээ тохирсон аягүй гоё ваар олсон юм. Ургамал маань худалдаж авахад ирсэн савтайгаа л байсан юм. Хуучин хуванцар савнаас нь ургамлаа гаргаад л хиймэл гэдгийг нь мэдсэн” гэж Уилкс ярив.

Болсон явдлынхаа талаар бүсгүй фэйсбүүк хуудсандаа пост оруулсан байна.

“Би энэ суккулентэд ямар их хайр энхрийлэл шингээлээ. Навчнуудыг угааж, арчилж цэвэрлэж, усалж, үргэлж сайхан харагдаасай гэж бодоод бүхнийг л хийдэг байсан. Гэтэл хиймэл, хуванцар эд байдаг. Тэгээд би үүнийг нь мэдэлгүй явж л байдаг. Хоёр жилийн турш би хуурагдаж, хулхидуулж байж гэдгээ ойлголоо” хэмээн бүсгүй бичжээ.

Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
АНХААРУУЛГА: Та сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээ зөрчсөн сэтгэгдэлийг админ устгах эрхтэй.

Сэтгэгдэл байхгүй байна

  • Их уншсан
  • Их сэтгэгдэлтэй