100 настай хатагтайг төрсөн өдрөөр нь шийтгэв
2020-03-07 09:53

АНУ-ын Хойд Каролина мужийн Роксборо хотын оршин суугч 100 настай эмэгтэйг төрсөн өдрөөр нь өргөст торны цаана суулгасан байна.

Хатагтай Рут Брайант (Ruth Bryant) ямар ч хууль дүрэм зөрчөөгүй, төрсөн өдрөөрөө шоронд орж үзэх хүслийг нь тус хотын шерифийн газар биелүүлэхээр болжээ.

Өндөр настны асрамжийн газарт ирсэн хууль сахиулагчид хатагтайд “олон нийтийн газар тайчсан” тул баривчлах шийдвэр гарсныг танилцуулан гарт нь гав зүүн авч явсан байна. Эсэргүүцэл үзүүлэхгүй байхыг хүссэн ч өндөр настан тэсэлгүй шерифийн нэг ажилтанг өшиглөж орхисон гэнэ.

Хатагтайг суулгасан цагдаагийн автомашин дохио юугаа бахируулан баяр ёслолын байдалтайгаар шорон руу явжээ.

Хорих газарт “хүндэтгэлтэйгээр заларсан” өндөр настанд “Персон дүүргийн шорон” гэсэн бичээс бүхий хоригдлын улбар шар хувцсыг "өмсгөн" дурсгалын гэрэл зургийг нь дарж өгсөн байна. “Хоригдол” бүсгүй хэдэн хором хорих өрөөнд өргөст торны цаана суусны эцэст гарч өндөр настныхаа асрамжийн газар луу баяраа тэмдэглэхээр явсан гэнэ.

 

Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
АНХААРУУЛГА: Та сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээ зөрчсөн сэтгэгдэлийг админ устгах эрхтэй.

Сэтгэгдэл байхгүй байна

  • Их уншсан
  • Их сэтгэгдэлтэй