Шэрон Стоун коронавирусаас сэргийлэн үдэшлэгтээ сувилагч урьжээ
2020-03-11 13:26

Өчигдөр Холливүүдийн алдарт жүжигчин Шэрон Стоун (Sharon Stone) 62 нас хүрчээ. Энэхүү баяраа тэмдэглэхээр хамгийн дотны найз нөхдөө мягмар гарагийн орой гэртээ урьж бяцхан цэнгүүн хийсэн байна.

Зочдодоо хувцасны хатуу чанга дресс-код тогтоогоогүй ч харин хүн бүрийг коронавирусийн шинжилгээ өгөх шаардлагыг тавьсан гэнэ.

Жүжигчин бүсгүйн залсан мэргэжлийн сувилагч цэнгүүнд хүрэлцэн ирсэн зочин бүрийг үүдэнд нь шалгаж оруулж байжээ.

Баярын үдэшлэгийг зохион байгуулагч эзэгтэй өөрөө ч үлгэр жишээ болж, халуунаа хэмжүүлэн, шинжлүүлсэн гэнэ.

“Миний үдэшлэгт орохын тулд заавал шалгуулна даа” гэж халуунаа хэмжүүлж буй гэрэл зургийнхаа дор Шэрон бичжээ.

Үнэнч фэнүүд нь энэхүү зурган дор “Бусдын төлөө санаа тавьж байгаа чинь сайн байна”, “Ухаалаг, сайхан бүсгүй”, “Чамаар бахархаад ханашгүй” гэсэн сэтгэгдлүүдийг харамгүй бичиж байгаа аж.

Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
  • Их уншсан
  • Их сэтгэгдэлтэй