ҮСБХ лигийн тоглолтуудыг зогсоолоо
2020-03-12 10:44

“Юта Жазз” багийн төвийн тоглогч Руди Гоберийн шинжилгээний хариу эерэг гарч, коронавирусийн халдвар авсан нь тогтоогдсоны дараа Хойд Америкийн Үндэсний сагсан бөмбөгийн холбоо лигийн тоглолтуудыг албан ёсоор зогсоолоо.

Лхагва гарагийн орой /америкийн цагаар/ болох байсан “Оклахома Сити Тандер” болон “Юта Жазз” багуудын тоглолт эхлэхийн өмнөхөн Солт Лейк Сити хотын нэгэн тоглогчоос коронавирусийн халдвар илэрсэн нь тодорхой болсноор уг тоглолтыг хойшлуулах шийдвэр гарсан. Тэр даруй халдвар авсан тоглогч нь Руди Гобер гэх мэдээллийг эх сурвалжууд мэдээлэх болсон.

Үүний дараахан лигийн тоглолтуудыг гуравдугаар сарын 12-ны пүрэв гарагаас /америкийн цагаар/  эхлэн зогсоохоор шийдвэрлэснээ Үндэсний сагсан бөмбөгийн холбооны удирдлагууд мэдэгдлээ.

Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
  • Их уншсан
  • Их сэтгэгдэлтэй