60 жил хамт амьдарсан хөгшид нэг өдөр таалал төгсчээ
2020-03-13 09:56

Гэр бүл болоод нэгэн жарныг хамтдаа туулсан өндөр настай итали хоёр хөгшин коронавирусийн халдварын улмаас нэг өдөр хоёрхон цагийн зайтай бурхны оронд одсон тухай Daily Mail сонин мэдээлжээ.

Италийн Бергамо мужийн Альбино хотын оршин суугчид болох 82 настай Севера Белотти болон түүний нөхөр 86-тай Луижи Каррара нар долоо хоногийн турш халуурсан тул гэртээ өөрсдийгөө тусгаарласан аж. Улмаар биеийн байдал нь муудсан тул эмнэлэгт хүргэн эмчилгээ хийж эхэлсэн ч гуравдугаар сарын 10-ны 9:15 цагт хатагтай  Севера, 11:00 цагт ноён Луижи таалал төгссөн байна.

Тэдний хүү Лука хөл хорионы улмаас эцэг, эхтэйгээ нас барахынх нь өмнө уулзаж чадаагүй аж.

“Хайртай дотны хүмүүсээ энэ хорвоог орхихын өмнө чи тэдэнтэй уулзаж, тэвэрч, тайвшруулж, салах ёс гүйцэтгэж чадахгүй байна гээд төсөөлөөд үз дээ” хэмээн эхнэр, хоёр хүүхдийнхээ хамт карантинд байгаа Лука сэтгүүлчдэд нулимс дууслуулан ярьжээ.

Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
  • Их уншсан
  • Их сэтгэгдэлтэй