“Челси” хөл хорионд оров
2020-03-13 11:07

Английн Премьер лигийн “Челси” багийн хагас хамгаалагч Каллум Хадсон-Одоин шинжилгээний хариу эерэг гарч, коронавирусийн халдвар авсан нь тогтоогджээ.

Ингэснээр 19 настай англи залуугийн ойрын хавьтлын хүмүүс болох тоглогчид, дасгалжуулагчид болон багийн бүх ажилтнууд тусгаарлагдаж эхэлсэн байна.

“Хадсон-Одоитой ойр харьцаагүй хүмүүсийн шинжилгээний хариу сөрөг гарвал ойрын өдрүүдээс ажлаа хийж эхэлнэ.

Даваа гарагийн өглөөнөөс Каллумд томуугийн бага зэрэг шинж тэмдэг илэрсэн тул урьдчилан сэргийлэх зорилгоор тэр өдрөөс хойш бэлтгэлд оролцоогүй байсан юм.

Хэдийгээр шинжилгээний хариу эерэг гарсан ч Каллумын биеийн байдал сайн байгаа бөгөөд тэр хурдхан шиг бэлтгэлдээ эргэн орохыг тэсэн ядан хүлээж байна. Түүнд түргэн эдгэрэхийг хүсэн ерөөе” гэж Лондоны баг мэдэгдэлдээ дурджээ.

Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
  • Их уншсан
  • Их сэтгэгдэлтэй