Үглээ тоть эзнээ матав
2020-03-16 10:17

Эхнэр, нөхрөө араар нь тавихыг хатуу чанга шийтгэдгээрээ алдартай лалын шашинт Кувейт улсад энэхүү марзан хэрэг явдал өрнөжээ. Гэр бүлийн хайртай гишүүн, эгдүүтэй тоть шувуу гэрийн эзнийг хэрэгт хийх шахсан байна.

Нөхрийгөө хардсан бүсгүй шүүхэд ханджээ. Гол учир шалтгаан нь корелла үүлдрийн хэтэрхий үглээ тотинд байсан гэнэ. Гэрээсээ гардаггүй тоть шувуу нь эрэгтэй, эмэгтэй хүмүүсийн үүлэн борооны ажил хийхдээ үглэдэг үгсийг сүүлийн үед их хэлэх болсон байна. 

Тэдний гэрт хэрэглэгддэггүй садар үгсээр шувуу нь “баруун, солгойгүй” бөмбөгдөх болсонд сэжиг авсан гэрийн эзэгтэй шүүхэд ханджээ.

Эхнэр, нөхөр хоёрын хэн нэгэн нь гэр бүлээсээ гадуур явалдвал хорих ялаар шийтгэдэг хатуу чанга хуультай учир тоть шувууныхаа “матаас”-аар нэхэмжлэх гаргасан гэрийн эзэгтэйн нотлох баримтыг шүүх хангалттай бус гэж үзсэн байна.

Гэхдээ хэсэг хугацааны дараа хартай эхнэр нөхрийгөө гэрийн үйлчлэгчтэйгээ явалддаг гэдгийг баталж дөнгөсөн гэнэ шүү.

Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
  • Их уншсан
  • Их сэтгэгдэлтэй