Нөхрийнхөө төрсөн өдрөөр бөөрөө бэлэглэжээ
2020-03-17 09:58

Их Британийн Өмнөд Йоркшир гүнлэгийн Ротерем хотын оршин суугч бүсгүй хүнд өвчтэй нөхрийнхөө 50 насны ойгоор бөөрөө бэлэглэсэн байна.

2018 оны аравдугаар сард Стивен Келси (Stephen Kelsey)-г маш ховор тохиолддог  дархлааны хүнд өвчин туссан гэж эмч нар оношилжээ. Энэ өвчний улмаас эритроцитийн хэмжээ эрс нэмэгдсэнээс зарим эрхтэнүүд ялангуяа бөөрний үйл ажиллагаа доголддог аж. Долоо хоногт гурван удаа диализийн эмчилгээ хийлгэж байсан Стивенийг бөөр шилжүүлэн суулгах хагалгаанд яаралтай орох хэрэгтэй гэж эмч нар зөвлөсөн байна.

Стивений 50 насны төрсөн өдрөөр эхнэр Трейси нь шинжилгээгээр бөөр нь таарахаар гарсан тул түүний донор болно гэдгээ хэлжээ. 

“Үхмээр санагдах үе надад байсан. Тийм ч учраас миний донор болно гэж Трэйсиг хэлэхэд би өөрийн мэдэлгүй уйлсан” гэж Стивен ярив.

Хоёрдугаар сарын 20-нд есөн цаг үргэлжилсэн бөөр шилжүүлэн суулгах хагалгаа амжилттай болсон байна. Одоо тэд гэртээ гарч биеэ тэнхрүүлж байгаа гэнэ.

Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
  • Их уншсан
  • Их сэтгэгдэлтэй