Онгон биеэ онлайнаар заржээ
2020-03-18 10:30

Баяжихын “дон”-той нэгэн герман оюутан бүсгүй охин биеэ тусгай сайтаар сая гаруй еврогоор борлуулж мөнгөтэй болох мөрөөдлөө биелүүлсэн тухай Daily mail сонин нийтэлсэн байна.

Нэрээ нууцлахыг хүссэн 21 настай бүсгүй Изабелла /жинхэнэ нэр нь хэн бол?/ ядуу, шүтлэгтэй гэр бүлд төрж өсчээ. Түүний эцэг, эх нь гэр бүлтэй болж, хуримаа хийтлээ хүнтэй унтаж болохгүй гэж хатуу сургамжилдаг аж. Харин бүсгүй 20 нас хүртлээ мөрөөдлийн ханхүүтэйгээ учраагүй учир эсрэг хүйтэнтэйгээ бэлгийн харьцаанд оролгүй тэвчихээс залхаж эхэлсэн гэнэ. Тийм ч учраас бага насныхаа баяжих мөрөөдлийг хүнтэй унтах хүсэлтэйгээ хоршуулан нэг сумаар хоёр туулай буудахаар шийдсэн байна.

“Охин бие, секс хоёрыг хэтэрхий их өндөрт өргөчихсөн юм биш үү? Онц гойд сүртэй зүйлс биш шүү дээ. Анх удаа хүнтэй унтах нь, сагсан бөмбөг анх удаа тоглохтой л ижил” хэмээн Изабелла сэтгүүлчдэд ярьжээ. Түүнтэй шөнийг өнгөрүүлэх хүсэлт цөөнгүй ирсэн тул шилж сонгох амаргүй байсан гэж бүсгүй бас томроод амжив.

1,4 сая евро (4 тэрбум 319 сая төгрөг)-г төлсөн хөлбөмбөгийн менежер герман эрхмийг тэрбээр сонгосон байна. “Уулзалт”-д ирэхдээ залуу Gucci брэндийн цүнхийг бүсгүйд бэлэглэсэн агаад ажлынхаа талаар, олны танил олон эрхмүүдийн тухай сонирхолтой зүйлсийг ярьсан гэнэ. Тэгээд үүлэн борооны ажлынхаа өмнөхөн эмэгтэйчүүдийн эмчийг дуудан Изабеллаг жинхэнээсээ онгон эсэхийг шалгуулсан байна.

Маргааш нь мань хоёр цаашид үргэлжлүүлэн учирч байхаар тохирсон агаад менежер залуу бүсгүйд үүний төлөө сард 10 мянган евро (30 сая 850 мянган төгрөг)-г өгч байхаар болсон гэнэ.

Огцом баяжсан бүсгүй мөнгөө аялал, гэр бүлдээ туслах болон өөрийн бизнесээ эхлүүлэхэд зарцуулахаар төлөвлөсөн байна. Гэхдээ эцэг, эх нь түүний энэхүү зоригтой алхам, үйлдлийг мэдээгүй байгаа болохоор мөнгөтэй болсноо юу гэж тайлбарлах нь тун сонирхолтой байгаа юм.

Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
  • Их уншсан
  • Их сэтгэгдэлтэй