“Барса” Обамеянгийг сонирхов
2020-03-18 11:26

Будант Альбионы нийслэлийн “Арсенал” багийн довтлогч Пьер-Эмерик Обамеянг энэ зунаас алдарт “Барселона”-гийн тоглогч болж магадгүй гэнэ.

Лондоны баг габон тоглогчоо 55 сая еврогоор арилжих сонирхолтой байгаа ч Каталоны баг үнийг нь чамгүй буулгахаар чармайж байгаа сурагтай.

Уг нь “Барса”-гийн элч төлөөлөгчид бүүр нэгдүгээр сард Обамеянгийн төлөөний хүмүүстэй уулзаж байсан ч тухайн үед “Арсенал”-ын удирдлагууд наймааг зөвшөөрөөгүй аж.

Гэхдээ тоглогчийн төлөөлөгч дараа жилийн зун дуусах гэрээгээ сунгах тал дээр үнэрхэж Лондоны багийг зарахаас өөр аргагүй байдалд оруулах ам өчгийг “Барселона”-д өгсөн бололтой. 

Аваргуудын лигт орох хөг нь өнгөрсөн англичууд ч дараа жил үнэгүй явуулснаас одоо гайгүй үнэ хүрч байгаа дээр нь өндөр цалинтай тоглогчоо бушуухан зарахын түүс болж эхэлсэн гэнэ.

 

Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
  • Их уншсан
  • Их сэтгэгдэлтэй