103 настай эмгэн коронавирусийг ялжээ
2020-03-19 09:38

Шинэ төрлийн коронавирус Covid-19-ийн халдвар авсан Ираны Семнан хотын өндөр настан эмэгтэй эдгэрсэн байна.

103-тай эмгэн долоо хоног эмнэлэгт хэвтэж эмчилгээ хийлгээд л бүрэн гүйцэд эдгэрсэн тухай Семнаны анагаах ухааны их сургуулийн захирал Навид Данайи (Navid Danayi) мэдэгджээ. Гэхдээ яг ямар эмчилгээ хийсний үр дүнд ийм түргэн хугацаанд эмчилж чадсан талаар тэрбээр тодруулга хийгээгүй аж.

Эмгэн энэхүү өвчнөөр өвдчихөөд эдгэрч чадсан хоёрдахь өндөр настан иран хүн болж байгаа юм. Гуравдугаар сарын 16-нд Керман хотын 91 настай өвгөн мөн эдгэрч эмч нарынхаа магнайг тэнийлгэсэн билээ. Тэрбээр энэ өвчний халдварыг авсан үед үхэлд хүргэж болох өндөр эрсдэлтэй эмгэгүүд болох багтраа болон өндөр даралттай ч гуравхан хоногийн дотор өвчнөө ялан дийлж чадсан гэнэ.

Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
  • Их уншсан
  • Их сэтгэгдэлтэй